اعتذر سيد السبكي، المؤلف السينمائي، للإعلامي وائل الإبراشي، في مداخلة هاتفية معه في برنامجه «العاشرة مساءً» على قناة «دريم»، مساء السبت، عن سب أحمد السبكي، المنتج السينمائي، له على الهواء بلفظ خارج على الهواء بعد وصف الإبراشي له بـ«البلطجي».
أخبار متعلقة
وقال السبكي «مساء الخير، حضرتك أنا سيد السبكي المؤلف وإحنا بنعتذر لحضرتك عن اللي حصل ساعة غضب، حضرتك إحنا مش عايزين نتجنى على عائلة السبكي لأنها انتجت في ظل مكنش حد بينتج عائلة السبكي مجبتش البلطجة ولا هي اللي صنعت عبده موتة ولا في بني أدم في الدنيا يقدر يدمر بلد زي ما اللي قاعد بيقول والناس بتقول ومش عايزين عائلة السبكي لأن عائلة السبكي معملتش حاجة غلط».
وأضاف «إحنا مصنعناش عبده موتة ده طلع بعد ثورة يناير لما مكنتش الحكومة موجودة والسينما تجسيد للواقع ومينفعش كل الهجوم على السبكية إحنا لانجرم ولا بنعمل حاجة غلط».
واتخذ الحديث منحا انفعاليا بعد تدخل ضيف الإبراشي في الحديث فقال السبكي «في ثقافة نقد حضرتك فأي حد بيسئ لأفلام السبكي ينقدنا وله حق النقد ولكن أي حد بيغلط في شخص السبكي شخصنا فهو قليل الأدب ومقلناش للراجل يخلي بنته تحط سكينة في بقها وترقص بيها ما يربي بنته يا أخي»، فرد الضيف قائلا: «ما اللي بنعمله أنتم بتهدوه وانتم اللي تربي نفسكم كويس وعلم نفسكم الأدب كويس» فرد عليه السبكي منفعلا: «يعني شوف الراجل ده عمل يشتم ويعمل متربي بنتك يا أخي يا أخي متدخلش ولادك السيما السيما حرام وإحنا مؤدبين ومش هنغلط فيك».
