سخر المستشار مرتضى منصور، رئيس نادي الزمالك، من المدير الفني الجديد للنادي الأهلي جوزيه بيسيرو، وقال: «أنا مسميه ماسبيرو»، مضيفا: «الراجل لسه ماجاش وفيه كمية تهزيق، أنا لو مكان الراجل هامشي».
أخبار متعلقة
وقال «منصور» في مداخلة هاتفية لبرنامج «كورة كل يوم» على قناة «النهار»، مساء السبت، إن مجلس إدارة الزمالك مستقر، واتخذ قرارات مُحترمة هتُعلن بعد ماتش السوبر المصري الخميس المقبل.
وتمنى مرتضى منصور «عودة الاستقرار للنادي الأهلي»، وقال: «اللي شفته شيء مُحزن مش الجماهير اللي هتدير الإدارة، لازم الجمهور يعرف إنه جمهور وعضو مجلس الإدارة يعرف إنه عضو، ومشهد الجماهير ارحل ارحل للأخ طاهر نفس اللي حصل مع ممدوح عباس يعني (ربي العفريت في بيتك وبعدين ياكلك)، الألتراس دول عيال بلطجية ملهمش قيمة، نمل ملهاش قيمة، وأحسن قرار الأهلي أخده إن مش الجمهور هيجيب المُدرب».
وأوضح مرتضى منصور أنه رفض السفر وأسرته لحضور مباراة السوبر على نفقة الشركة الراعية، وهدد بعقاب أي لاعب يحضر المؤتمرات الانتخابية لأحمد مرتضى منصور، وقال: «اللاعب اللي هيروح هيتوقف، وأحمد مش محتاج ياخد لاعيبة، ده أحمد أشهر من حمادة طلبة».
