نفى محمد النني، المحترف في صفوف بازل السويسري، قيامه بالرد على الصفحة الوهمية للمستشار مرتضى منصور، رئيس نادي الزمالك، الخميس، وأكد علمه بان هذه الصفحة وهمية وغير صحيحة بالمرة.
أخبار متعلقة
وقال «النني»، في بيان عبر صفحته الرسمية على موقع التواصل الاجتماعي «فيس بوك»: «ياجماعة أنا محمد النني ودي الصفحة الرسمية بتاعتي واللي ماسك البيدج أنا، وناس أنا واثق فيهم أوي، وانا مش قولت الكلام ده، أنا قولت إني مش أنا اللي رديت على الأكونت بتاع المستشار مرتضي، وبعدين إحنا عارفين إن مش هو المستشار فا ياجماعة مش عوزين إشاعات معلش».
وكان الحساب الوهمي للمستشار مرتضى قد كتب على الصفحة الرسمية لـ«النني» قائلًا: «أنت فخر مصر يا (نني) وأنا بدعمك دايمًا وبقول في الإعلام إن المحترفين هما وجهة مصر برا»، قبل أن يعقب عليه «النني» قائلاً: «ربنا يخليك يا سيادة المستشار، دعواتك وانت بتصلى القيام لينا».
ورد عليه الحساب الوهمي قائلًا: «إن شاء الله هدعيلك كل يوم يا (نني) في كل صلاة وبإذن الله وحط لاعيبة المنتخب في عنيك».
وقد أثار هذا الحوار سخرية بعض المتابعين لصفحة محمد النني، بخصوص صحة هذا الحساب من عدمه، حيث تساءل أحد المتابعين قائلًا: «المستشار مرتضى منصور هو حضرتك المستشار مرتضى منصور بجد؟»، فرد عليه الحساب الوهمي قائلًا: «أومال بهزر يا بيه؟».
