رد الإعلامي شريف مدكور، المذيع بقناة «المحور»، على الانتقادات الكثيرة التي وجهت له عقب حلقة «الصنفرة»، الأربعاء الماضي.
أخبار متعلقة
وقال «مدكور» في مداخلة هاتفية لبرنامج «كلام جرايد» على قناة «العاصمة»، مساء الاثنين: «كان معايا صنفرة، ومن يتابع يعرف إن دي التطور الطبيعي لليفة والحجرة، ده كريم بنصنفر بيه القدم، وأنا ركبتي فيها مشكلة وبحب أصنفر الحتة دي دائما».
وأضاف: «أخدت الصنفرة دي وجربتها على ركبتي، ولو كنت جبت واحدة ست أجرب عليها المنتج على الهواء كانت هتشلح رجلها وهيعملولي قصة».
وعن الانتقادات التي وجهت له، قال: «اللي هيشتمني هشتمه مش هسكت وأزغرطله، واللي هيقول عليا كلمة مش لطيفة هعمل محضر، وأنا ممكن اسجن أي حد».
وأضاف: «من 6 سنوات، فيه عيل صغير عنده 18 سنة وكتب كلام زي الزفت، رفعت عليه قضية الشرطة جابته من قفا أمه، وأهله قعدوا يجروا ورايا عشان أتحكم عليه بالسجن عامًا».
