رد الفنان محمد إماام، نجل الفنان عادل إمام، على الكثير من الشائعات التي أنطلقت مؤخراً بسبب الإعلان عن نيته عقد قرانه على فتاة من خارج الوسط الفني.
إمام، عبر حسابه الخاص على «فيس بوك»، قال: «فيه اخبار كتير بتزل عني الفترة دي ولا واحد منهم صح، وكلام كتير متقال على لساني انا ماقولتش حاجه منه».
وتابع «أنا لا فرحي يوم ٢٢ ولا أنا في ايطاليا ولا متخانق مع ابويا ولا في مشاكل مع حد ولا خاطب بنت وزير الدفاع، ولا بنت اخو رجل اعمال كبير، ولا أي حاجة من الكلام الكتير اللي بينزل الايام دي،»، مضيفاً: «انا نفسي اعرف ازاي فيه واحد عنده ضمير بينزل خبر وهو عارف انه مش صحيح وازاي كلو بينقل من بعض من غير مايتأكدوا وايه كل الاخبار الغلط دي !؟».
وختم إمام تعليقه على تلك الشائعات قائلاً: «يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ.. صدق الله العظيم».
