مرتضى منصور للأهلي: «قلب الأسد لا يخاف.. ومصر عرفت اللي بيجعجع» (فيديو)

وصف المستشار مرتضى منصور ما قاله هشام العامري، عضو مجلس إدارة النادي الأهلي، عن «غضبة الجماهير بـ«لعب عيال»، قائلًا: «ما تكبروا بقى».

وأضاف «منصور»، أثناء حلوله ضيف على الإعلامي وائل الإبراشي على قناة «دريم» الفضائية: «دولة مين دولة الإخوان أيام العامري ما كان وزير فيها يا هشام؟ ولا دولة السيسي المحترم اللي مابيخفش وفيها إبراهيم محلب، دولة ثابتة، التهديد مش هيجيب نتيجة، أنت عارف لولا التهديدات دي لو كلمني مثلًا وزير الشباب أو محمد عبدالوهاب قال لي اسحب الشكوى كنت سحبتها، لكن بعد التهديدات دي لو أنا سحبتها يبقى أنا خفت، ما بخفش، قلب الأسد لا يخاف، وأنا قلبي حديد».

وتابع: «أنت هددت وهددت بجماهيرك وهددت إن أنت تنسحب، طيب ما تدي فرصة يا أخي ما يمكن حد عاقل متزن يكلمنا واحنا مش عايزين الواد نسحب الشكوى، لكن كونك عمال تهدد وتستعرض قوتك، قدم الورق، ولا الهوا».

واختتم: «مصر كلها عرفت مين اللي بيجعجع».