رجل الأعمال سميح ساويرس، رئيس شركة أوراسكوم للفنادق والتنمية، ورئيس مجلس إدارة نادي الجونة.
تصوير :
other
قال سميح ساويرس، رئيس نادى الجونة، إنه لو خاض الفريق الأول بالجونة لمباراة الأهلي في كأس مصر لما كان التفت أحد للأزمة، قائلاً: «طالما اتحاد الكرة بيهرج يبقى تهريج بتهريج».
أخبار متعلقة
وأضاف «ساويرس» في مداخلة هاتفية لبرنامج «أسرار الملاعب» على قناة «LTC»، مساء السبت: «العملية ليست لائحة أو قواعد، طبعا ده كلام يزعل، مش عايزين ينظموا الدنيا وتبقى فيه قواعد واضحة، وميبقاش فيه ميكالين».
وتابع: «مهما كنا معانا فلوس، إمكانياتنا لن تأتي بجوار أندية تصرف عليها الدولة، وكمان يبقى الاتحاد بيجاملهم مفيش فائدة بقى، إحنا مش هنشتغل كومبارس، ولازم يبقى فيه لائحة للكل، إما الكل يمشي عليها، أو بلاش نكمل في القصة دي».
وأوضح: «اتحاد الكرة ده بيهرج، وبتحداهم يروحوا تحكيم، ونشوف مين صح ومين غلط»، متابعا: «عيب في حق مصر، يبقى اتحاد الكرة ماشي بالمجاملات».
وأكد سميح ساويرس أنه من «العيب العالم الخارجي ينظر للكرة المصرية بأنها تدار بعشوائية وتربيطات على هوى أعضاء الجبلاية».
