وجه أحمد الميرغني، لاعب نادي الزمالك ودجلة السابق، الشكر لكل من وقف بجواره ضد الهجوم الذي تعرض له خلال تواجده ضيفا مع الإعلامي وائل الإبراشي عبر قناة «دريم»، مساء الجمعة.
أخبار متعلقة
وقال «الميرغني» عبر صفحته الشخصية على موقع «فيس بوك»: «بالنسبة لحلقة، الجمعة، أنا كنت عارف وكان طبيعي أنهم يجيبوا مكالمات ضدي في الرأي، وكنت عارف إن كابتن عزمي مجاهد هيعمل مداخلة وأستاذ وائل الإبراشي اتأسف لي بعد الحلقة على اللي قاله مرتضى منصور، ده بس علشان أكون قلت الحقيقة، وأنا شايف إنه كان معي مش ضدي».
وأضاف: «أبويا كان مدير عام العلاقات التجارية لقطاع غرب القاهرة في الشركة المصرية للاتصالات، ولم يكن عاملا في نادي الزمالك وده بس للتوضيح مش أكثر».
وأتم: «أنا بشكر كل الناس اللي واقفة معايا وبجد مش عارف أقول إيه، وكمان أنا بس عاوز أقول، أنا الحمدلله أبويا وأمي ربوني كويس، بس برضه أنا مش مثالي أنا بغلط عادي جدا».
