قال المستشار مرتضى منصور، رئيس نادي الزمالك، ردًا على مطالبة بعض جماهير نادي الزمالك بعودة اللاعب شيكابالا لصفوف نادي الزمالك، «لموا فلوس شيكة ورجعوه أنا قلت لمجلس الإدارة حل مكلة شيكابالا في الآتي يطلع مع وفد مجلس الإدارة للبرتغال يقولهم أنا جتلكم أهو وتحت أمركم وعايزين العب العب واسمحولي اعتذر لكل جماهير سبورتنج ليشبونة يعتذر والمبلغ اللي هما دفعوه ليه أو للنادي ياخدوه».
أخبار متعلقة
وأضاف في مداخلة هاتفية مع الكابتن خالد الغندور في برنامجه «اللعبة الحلوة مع بندق» على قناة «LTC»، مساء الخميس، «هو دلوقتي كل اللي دفعوه لحد دلوقتي 250 ألف دولار يعني حوالي مليون وشوية يتخصموا من مستحقاته مش مشكلة هيبقى فاضل المبلغ اللي عليه في نادي الزمالك هنقدر بقى نتصرف فيه بس ناس تقولك ايه هاشتاج معرفش هشتج مين طيب ياعم لو كل واحد من جماهير الزمالك دفع 100 جنيه هنلمنا بتاع 20 مليون 30 مليون طب ما تعمل ده المثل بيقوك ايه اطبخي يا جارية كلف يا سيدي».
