والنبى لنكيد العزال ونحتفل بعيد العمال!.. ونفرح ونغنى، ولبعضينا نهنى، ونعلى بالموال.. دا الاحتفال بالعيد يا إخوانا حلال.. دول عمالنا ورمز نضالنا من عهد مينا لعهد جمال.. بنوا السد العالى ودوروا المصانع وحققوا الآمال.. بعزيمة وهمة اتحدوا الصعب كأعظم رجال.. لجمايلهم أبدا مش ناسيين ودايما ع البال.. واجب علينا نشيلهم ف عنينا، ونخلى حياتهم عال العال.. يا مصريين قوموا نرد الجميل لعمال بلدنا الأبطال.. ونحتفل بيهم وكلنا نهنيهم ونغنى ليهم غنوة وموال.. ونعلق الزينات ونفرق الشربات ونسعد العم وابن الخال.. دول أهالينا ونور عنينا حقيقة جلية مش خيال.. كل التحية لعمال مصر أغلى رجال.
أخبار متعلقة
فؤاد عبد الرازق ـ مدير عام سابق. الإسكندرية
