هاجم الإعلامي جابر القرموطي، المخرجة السينمائية إيناس الدغيدي، بسبب تصريحاتها عن أن ممارسة الجنس قبل الزواج «حلال»، قائلا: «رشِّدي شويه كلامك، كل واحد حر فيما يقول بس مش على الملأ كده»، معتبرًا أنه «كده رايحين بالمجتمع في 60 داهية».
وأضاف «القرموطي»، خلال برنامجه «مانشيت» على قناة «أون تي في»، مساء الأربعاء: «تصريحاتك دي هتخلي الناس تطير في الشارع، ويا رب بتوع المترو والزحمة ميسمعوش الكلام ده، وده رأيك الشخصي أحتفظي به لنفسيك، وناقشيه في أفلامك، وخلاص».
وتابع: «لو الجنس حلال قبل الجواز يبقى بعد الجواز حلال مضاعف يعني، بلاش التصريحات دي تاني ومتخرجيش على الملأ بيها يا أستاذة إيناس».
وكانت إيناس الدغيدي قالت إن ممارسة الجنس حرية شخصية بعد سن الطفولة، واختيار شخصي ليس له أي اعتبارات من الآخرين.
وأضافت «الدغيدي»، خلال مداخلة هاتفية ببرنامج «D.W»: «كل واحد يمارس الجنس حسب فكره وعقليته وعاداته وتقاليده، لكن أنا مقدرش أعمّم الموضوع على كل الناس، لأن في ناس بتستحرم العملية الجنسية قبل الزواج ومش قادرة تستوعب إنها حلال».
