عندى بس سؤال صغير للى مش عاجبه الحجاب.. !قولى إيه عصب جنابك خلى مخك فجأه غاب؟.. هى قابله بيه فى دينها، عاشقه ليه وليه حنينها.. ليه بجهلك جاى تدينها وجاى وراك شلة كلاب..؟ ليه مفكر بنت حوا بالحجاب دون المقام؟ وإنها ضد التطور والتقدم للأمام.. الملابس مش قياس أو نقارن بيها ناس.. العقول هى الأساس للحضارة والسلام.. ناس تقول الشعر عورة كاسيات عاريات..
أخبار متعلقة
عملوا ثوره وألف ثورة يرهبوا بيها البنات.. ليه بنحكم بالمظاهر ع اللى باين واللى ظاهر.. فى السما رحمن وقادر عنده علم الغيبيات.. ياللى بتلوم الخلايق دى بتلبس دى بتقلع.. ركز انت فى يوم مماتك قبل روحك فجأه تطلع.. خلى همك هو نفسك مش حجاب فاكره ينافسك.. شعر باين حاسه كاسفك دى آراء واصحابها تسمع.. فى النهاية أحب أقول لكل واحد عاجبه ضبه.. كل إنسان فى الحياة ليه طريقه فى حب ربه.. سيب إله الكون يدين الخلايق أجمعين.. كان شمال أو كان يمين ربنا عالم بقلبه!!.
جرجس أنيس
