فيديو.. محافظ الإسكندرية يدافع بشدة عن زوجته

رد هانى المسيرى، محافظ الإسكندرية، على الهجوم الشديد الذي يتعرض له من قبل وسائل الإعلام بسبب حضور زوجته الاجتماعات العامة، ومشاركته في عدد من اللقاءات.

وقال «المسيري» في حوار مع برنامج «العاصمة الثانية» على قناة «الإسكندرية»، مساء الثلاثاء: «إن الدكتورة أميرة أبوطالب عضو في المجتمع يقدم مساعداته، وزيها زي غيرها، شخص في المجتمع بيحاول يساعد، ولكني أتسائل هل عايزين السيدة تشتغل أو لا؟«.

وأضاف «المسيري»: «فيه لفظ لازم نستخدمه أنه لازم كل الأيادي تشتغل لصالح مصر فورا، مصر في حاجة لكل أيد، مينفعش علشان ايد مرات فلان يبقى نقولها لا بلاش إنتي، واللي معاه إثبات ضد مراتي يطلعه علشان أخد الإجراء».

وتابع: «لازم كل شخص قابل للعطاء يتفضل أهلا وسهلا، وأنا بأسف للهجوم ده، ولكن لازم نطرح سؤال مهم إحنا قابلين المرأة تنزل في الميدان واللا لا؟، لازم كل شخص قادر على العطاء يشتغل».

وأوضح: «لا استثناء ودولة القانون عادت، ولست أنا الساذج لأكسر القانون بسبب مراتي».

وعن استقالة رئيس قصر ثقافة الشاطبي بسبب زوجة محافظ الإسكندرية، قال «المسيري»: «أسف إن شخص يترك عمله علشان حد عايز يساعد، مراتي الدكتورة أميرة أبوطالب، مستحيل تخالف القانون أو تكسره».