إذا كنت عاشق وكنت حبيّب.. مطلوب منك ف الفلانتين تجيب.. وردة حمره وعشوه بره.. ده غير الشيكولاتة والمخدة والدباديب!!.. إذا كنت عاشق ففى الليلة ديه.. بربش واتسهوك واتكلم بحنيه.. وعلى قد ما تقدر إلبس أحمر.. أو كولك حاجه تجيبلك حساسيه!!..
إذا كنت عاشق وكنت خطبت.. تبقى يا حلو ف مقتل اتصبت.. هتهادى خطيبتك ولازم يا خيبتك.. تجيب معاها هدية لطنط!!.. إذا كنت عاشق واتجوزت كمان.. هات ورقة وقلم وهات المدام.. وبكل صراحة فكرها براحة.. بالهدايا اللى جيبتهلها ف الفلانتين زمان!!..
رامى زين – الإسكندرية
