بالفيديو.. عمر جابر: قررت عدم اللعب للزمالك مرة ثانية.. وأريد عقودي

الإثنين 09-02-2015 21:43 | كتب: باهي حسن |

المصري اليوم تحاور « عمر جابر » تصوير : عزة فضالي

أعلن عمر جابر، لاعب الزمالك، أنه اتخذ قرارا بعدم اللعب لنادي الزمالك مرة ثانية، بعد مذبحة استاد الدفاع الجوي.

أخبار متعلقة

وقال «جابر» في مداخلة هاتفية لبرنامج «هنا العاصمة» على قناة «سي بي سي»، مساء الاثنين: «الزمالك وقفني وفسخ عقدي علشان امتنعت عن اللعب، وأنا أخدت قرار في الأتوبيس قبل المباراة إني مش هالعب خلاص للزمالك، وكان عقدي 3 سنوات وبمبلغ قليل جدا، معايا شيك هيتصرف يوم 15 فبراير كنت ممكن ألعب وأؤمن مستقبلي لأني متجوز من فترة ومراتي حامل، وأخد الفلوس وخلاص».

وأضاف: «أنا بستأذن الزمالك هديكم الشيك مش هقدر أكمل في النادي الفترة دي وفي المقابل أريد عقودي، ومش هقدر ألعب في الزمالك تاني خالص، بسبب حاجات كتيرة، وبقول لمجلس الإدارة مش عايز فلوس».

وأوضح: «أنا أهم حاجة عندي نادي الزمالك، وبلعب فيه وأنا عندي 5 سنوات، وعيلتي كلها زملكاوية، أنا بعشق الزمالك وجمهوره فوق رأسي من فوق».