عرضت ريهام سعيد في حلقة برنامجها «صبايا الخير»، المسجلة من القدس المحتلة، مساء الأربعاء، مشهدًا لمتجر بالمدينة المقدسة لمتجر يعرض تي شيرت يحمل علامة رابعة، الخاصة بجماعة الإخوان المسلمين.
أخبار متعلقة
وقالت من أمام المتجر: «التي شيرت دي محطوطة هنا، بتتباع هنا، عشان إحنا في القدس المحتلة، اللي هتشجع إن يبقى فيه 4 و2 و3، لا يمكن تلاقي التي شيرت دي موجودة في حتة من اللي فيها فلسطنيين، رام الله أو أريحا، مفيش، التي شيرت دي محطوطة بتتباع هنا عشان تقسم، عشان تقول إن مصر مش أمان، عشان تقول إن احنا اتقسمنا واحد واثنين وتلاتة وأربعة، ماسمعناش خالص خالص من ساعة ما جينا فلسطين هنا رابعة والسيسي، إلا لما جينا في المكان اللي فيه إسرائيليين، اللي بينشروا فيه سم فرق تسد».
وسألت «سعيد» صاحب المتجر إذا ما كان لديه تي شيرت يحمل علم مصر، ليرد بالنفي، لتسأله «اشمعنا رابعة؟»، ليقول لها أن «هذا هو المطلوب، كل الشباب العرب بيطلبوه»، لتلفت الإعلامية النظر بعد ذلك أنه أيضًا يعلق تي شيرت آخر يقول بالإنجليزية: «لا تقلق، كن يهوديًا».
