أدان الإعلامي عبدالرحيم على، حادثة مقتل الناشطة شيماء الصباغ، قائلًا أنه إذا ثبت تورط شرطي في الأمر فيعني أنه مجند من جماعة الإخوان المسلمين.
أخبار متعلقة
وأوضح، في لقاءه مع الإعلامي توفيق عكاشة، في برنامج «مصر اليوم» على قناة «الفراعين»، مساء الثلاثاء: «حادثة زي حادثة الأخت شيماء، رحمة الله عليها الشهيدة شيماء، إدانة كاملة، ومرفوض، لو عملها ضابط، يبقى عميل للإخوان على طول، يعني لو في ضابط عمل اللي عمله ده هو يبقى هو مجند لصالح الإخوان عشان يوصم الشرطة بهذا على الإطلاق».
وأضاف: «مش ممكن اللي قدموا الشهداء دول كلهم يقعوا في غلطة تافهة زي كدة، عشان يورطوا أمة بكاملها ويورطوا دولة بكاملها في حاجة زي كدة، اللي حصل مدان بكل المقاييس، لكن إنك تاخده كلبانة تفضل بقا تقطع في الأمة دي وتقطع في البلد دي وتبهدل في البلد دي ده كان المقصود والمطلوب».
