فاجأت الإعلامية ريهام سعيد، في حلقة برنامجها «صبايا الخير»، مساء الإثنين، جمهورها، بالخروج عليهم بقطعة من حطام السيارة التي انفجرت أمام مديرية أمن شمال سيناء، ووجهت رسالة للرئيس السيسي قالت إنها حملتها من أهالي سيناء.
أخبار متعلقة
وقالت سعيد بينما كانت تعرض القطعة المتطايرة من السيارة المنفجرة ببرنامجها: «العربية اللي انفجرت أمام مديرية أمن شمال سيناء وعملت انفجار هائل جدًا، ده جزء منها، هتقولوا لي جبتيها إزاي، من شدة الانفجار ومن شدة قوة العبوات اللي كانت موجودة بالعربية، العربية تفتت لدرجة أن قوة دفع أشلاء العربية وصلت لعمارة قدام المديرية الناحية التانية فوق في شقة، وأنا جبت الجزء ده معايا عشان كل واحد رافع الشعار ده (رابعة) أنت ما بتحاربش الرئيس أنت بتقتل أخوك وبتأيد اللي بيقتل أخوك».
وأضافت «سعيد» أن «أهالي سيناء بيوتهم انهارت ورغم انهم عاشوا ساعات من الرعب ورغم عدم الأمان بيقولولك (للرئيس السيسي) إحنا معاك وواقفين وراك وبيقولولك تحيا مصر وكمان بيقولولك (ملكش دعوة بحقوق الإنسان.. اقضي على العدو) وهي دي الرسالة اللي أنا شايلاها من سيناء»
