أنا من جيل المتاعب اللى كانت أمنيته كام قرش فى حصاله.. أنا من الجيل اللى حلم تكون شقته بالكتير أوضه وصاله.. أنا اللى قدم طلب اتركن سنين علشان يركب خط تليفون.. أنا من الجيل اللى حضر أيام الطالب لما كان بيحترم المدرس.. من الجيل اللى حطم خط بارليف ورفع علم مصر عليه.. أنا من الجيل اللى كان فى المواصلات يقف لأى ست.. أنا من الجيل اللى اشترى كتاب بقرش من على سور الأزبكية.. من الجيل اللى أخد فى المدرسة بعد الحصص دروس تقوية.. أنا من الجيل اللى اتحمل وصبر علشان باقى الأجيال!!
سليم نقولا - القاهرة الجديدة
