وجهت الإعلامية ريهام السهلي، رسالة للدكتور محمد البرادعي، مستشار الرئيس الأسبق، عدلي منصور، قائلة له: « لم أكن يومًا من مريديك.. لكن ناس كتير كان من اللي حواليا كانوا مريدين ليك، لكن أنت خذلت مريديك أيوه خذلتهم أكثر من مرة خذلتهم وقت الثورة لما كنت بتيجي وتروح وفي عز الأحداث تنزل المظاهرة شوية صغيرة وبعدين الدنيا تتزحم عند الجامع مش عارفة في الجيزة فتاخد بعضك وتمشي والناس تقعد».
أخبار متعلقة
وتابعت في برنامجها على قناة «التحرير»، مساء الاثنين، «في رموز تانية على فكرة في الثورة بينتموا لكل التيارات المختلفة كانوا بينزلوا ويقعدوا في الميدان بما فيهم الإخوان اللي للأسف قدروا انهم يوصلوا للشباب ويوصلوا للحكم في مصر بهذه الطريقة.. كانوا شايفينك غاندي كنت بتخذلهم.. في كل مناسبة كان يحصل فيها توجه سياسي معين ميعجبكش كنت تاخد بعضك وتسافر وترجع».
