نظم العشرات من ذوي الاحتياجات الخاصة بمحافظة الدقهلية، الخميس، وقفة احتجاجية أمام مكتبة مصر العامة، بجوار ديوان عام المحافظة، بعنوان «مهدوا لنا الطريق»، للمطالبة بتوفير أماكن لهم بالمواصلات العامة.
أخبار متعلقة
وطالب المشاركون في الوقفة بتمهيد أماكن لصعود ذوي الاحتياجات الخاصة بالكراسي المتحركة والأجهزة التعويضية، بالمصالح الحكومية والبنوك والأماكن العامة، وكذلك تخصيص أماكن لعبورهم الشوارع. ورفع المشاركون لافتة كبيرة مكتوبا عليها «نفسي أدعم اقتصاد بلدي بس مش عارف أطلع سلم بنك، ونفسي أعمل شكوى في قسم شرطة، ونفسي أتابع قضيتي في قاعة محكمة.. نفسى أروح محاضرتي من غير ما حد يشيلني.. نفسي أتفسح وحاجات كتير كمان.. لو شايف ده حقي وإنت بتعدى شاورلي، ولو أنت سايق إديني كلاكس كمان..».
وانتهت اللافتة بعبارة «والله العظيم أنا زيك مصري، أنا زيك إنسان».
وأكد رفعت جمعة، أحد منظمي الحملة، «إحنا بنعانى كتير في التعامل مع المصالح الحكومية والبنوك والأماكن العامة اللى تجاهلت إنها تخصص مكان لصعود وهبوط ذوى الاحتياجات الخاصة، ونعانى في المواصلات العامة وفى عبور الشارع، ونفسنا بجد المجتمع يحترمنا ويعرف إن لنا حقوق زى أي مصرى، وأبسط هذه الحقوق هي إن يبقى لى مكان في الشارع في الجامعة في المصلحة الحكومية علشان اتحرك بحريتى من غير ما انتظر ولاد الحلال يشيلونا ويساعدونا».
