وصفت الإعلامية ريهام سعيد، مدمني المخدرات سواء الرجال أو النساء بـ«العبط»، مشيرة إلى أنه أفضل وصف يمكن نعتهم به.
أخبار متعلقة
وقالت «سعيد» في برنامجها «صبايا الخير»، على قناة «النهار»، الثلاثاء، «النهاردة ناس كثير هتزعل مني لأني هبقى قاسية جدا جدا جدا في اتهامي للبعض بأنه عبيط أنا أسفة مفيش أي تعبير تاني لده.. لما ربنا يبقى خلقك بمخك سليم وصحتك كويسة.. عندك مشاكل بس أنت سليم ومركز وراجل محترم وأروح أجيب حباية وأتذل ليها وابيع حاجاتي وابقى مش مركز واضرب مراتي».
«فكرة أن الستات بتاخد مخدرات ديه جديدة أوي.. وعشان الستات دخلت في الدائرة ديه كان لازم نقرب منها وندق ناقوس الخطر ونقول خلي بالكم يا ستات.. النهاردة دعوة خالص من القلب بجد أنكم لازم تبطلوا».
