حذر الإعلامي مصطفى بكري من قال إنهم رصدوا مئات الملايين للانتخابات قائلًا: «البلد مش نقصاكم البلد عايزة رجالة»، فيما أكد أنه غير مسموح تشكيل برلمان ضد الرئيس والدولة.
أخبار متعلقة
وأضاف، في برنامجه «حقائق وأسرار»، على قناة «صدى البلد»، مساء الخميس: «خلينا كقوى وأحزاب سياسية وإحنا داخلين على برلمان نصحح شوية ونحس ببلدنا شوية ونرمي الأهداف الخاصة ورا، انسوا أشخاصكم، حطوا الهدف قدامكم الوطن، البلد، مجلس نواب، وأنا بقولها بصراحة وبوضوح يا ييجي بيدافع عن الدولة ويعيد بناءها.. ويساعد الرئيس في إنجاز مشروعه الوطني اللي انتخبناه على أساسه، وإلا سيتحول مجلس النواب إلى مكلمة وخناقات وخلافات هتؤثر على الشارع وتساعد على تفكيك الأوضاع في البلد».
واستطرد: «يا نعدل قوانين ونعمل تشريعات لصالح الشارع المصري ورقابة حقيقية ونواجه أي فساد موجود ونكشفه لصاحب القرار، يا إما هننزل للمربع صفر ونخش في المشاكل والأزمات».
وتابع: «البهوات اللي بيدفعوا المليارات دلوقتي مئات الملايين رصدتها للانتخابات بقولهم اتلموا، البلد مش نقصاكم، البلد عايزة رجالة تدافع عنها، مش عايزة ناس ترشي وترتشي، مش عايزين نشتري النواب، انتوا بتعملوا مجلس نواب ضد الرئيس وضد الدولة، مش مسموح، احنا عايزين برلمان للشعب يخدم الدولة».
