قال الإعلامي، أسامة منير، إنه شعر بالضيق من الإعلامي الساخر، باسم يوسف، بسبب موضوع «جماهير»، ووصف باسم يوسف له «ببرنس السنس والجنس» في إحدى حلقات برنامجه «البرنامج»، مشيرًا إلى أن ذلك تسبب له في الإحراج أمام ابنه وزوجته.
أخبار متعلقة
وأضاف «منير» في حواره مع الإعلامية رشا نبيل، في برنامجها «كلام تاني» على قناة «دريم 2»، الجمعة، «سمعت تعليقات كتير وسمعت انتقادات كتير لكن مبتضايقش الموضوع بالنسبة لي بسيط، يمكن بس اتضايقت مؤخرا من باسم يوسف، وجماهير ضايقتني إنه هو وصف مصر ووصف مستمعين بتوعي بوصمة عار إنه قعد يقولها (وراكيك فخاديك كلام فارغ ميصحش عيب)، وهو كان قال قبل كده برنس السنس، وطلع قال برنس السنس والجنس وقام واقف وقال اللطيف فأنا قاعد مراتي جنبي وابني جنبي قالي إيه يا بابي قلة الأدب دي».
وتابع: «ليه كده ليه تقول عليا برنس الجنس ليه تمسك مصر كلها تشرحها وتقول وراكك ورجليكي وفخادك في ناس كتير جدا وفنانين قلدوني فالناس كلها بتتعامل معاك بمحبة.. وطريقة باسم يوسف كانت مهينة ورديت عليه في الراديو وكان رد واضح وصريح وادتهومله».
