هاجم الإعلامي توفيق عكاشة وزارة الداخلية وسب أمين شرطة، واتهمه بالاعتداء على نجل منى البحيري، الشهيرة بعبارتها «شت آب يور ماوس أوباما»، وإصابته برصاصة في رجله، حسب قول الإعلامي.
أخبار متعلقة
وأوضح «عكاشة»، في برنامجه «مصر اليوم» على قناة الفراعين، مساء الثلاثاء: «منى البحيري دي ست مصرية أصيلة من المنوفية وقاعدة في الجيزة، ومشت حافية على رجليها من الجيزة للمنوفية عشان مصر ورجعت من المنوفية للجيزة حافية على رجليها عشان مصر، وقالت إيه قالت إيه.. شاطروف فور فاوس أوباما، على قد علامها، ووقفت ضد الإخوان وكانت من وقود ثورة 30 يونيو، واد أمين شرطة (...) ضرب ابنها طلقة في رجله النهاردة، تخيلوا؟»
واستطرد: «دي مبقتش وزارة الداخلية، عيب، أمين شرطة من مديرية أمن الجيزة ضرب ابن الولية طلقة في رجله، الولية راكبة مع ابنها الميكروباص والسواق غلطان فأمين الشرطة بيكلمه قام ابنها دخل في الموضوع قاموا مسكوا في بعض قام أمين الشرطة ضرب الواد طلقة في رجله، أنا عايز أعرف الشرطة بتقول إيه على الموضوع ده»، بحسب قوله.
