قال الشاعر أيمن بهجت قمر، إن «هناك بعض الناس ومنهم فنانين بيستنكروا توصيات لجنة الموسيقى في مؤتمر أخبار اليوم للإبداع وبيقولوا إنها كلها طلبات مادية».
وتابع قمر عبر صفحته على موقع التواصل الاجتماعي «فيس بوك»: «أحب أوضح أننا ماطلبناش فلوس من حد وما طلبناش الدولة تنتجلنا أو تمول مشروعات، احنا طلبنا من الدولة ورئيس الجمهورية يحمونا ويفعلوا القوانين الموجودة ويعدلوها عشان المبدع اللي بيخترع الفكرة من العدم سواء شاعر أو ملحن أو زملائنا المطربين والموزعين الموسيقيين والعازفين ياخدوا حقوقهم».
وتابع: «المبدع لو مستور مش هيخضع لأي منتج عايز فن رخيص أو واحده بتعمل سي ڤي ترويجي لجسمها وهو يقبل عشان ابنه عيان ولا مديون،
المبدع من حقه لما يمرض ويشيخ يلاقي فنه اللي بيسنده ومايمدش ايده حتى للدوله عشان تعالجه يافرحتي لو المؤتمر كان هدفه انه يحط قيود على الفن أو يوجهنا كنا هنقول عليه مؤتمر ايجابي».
وواصل: «المبدع لما ياخد حقه عمره ماهيخذل بلده وضميره الفني هيفضل صاحي ياريت بلاش نقول شعارات اللي إيده ف الميا مش زي اللي إيده ف النار
هنا تكمن بداية المشكلة».
