قالت الصفحة الرسمية لبرنامج «صبايا الخير»، تعليقًا على ظهور طفل معها في حلقتين مختلفتين، إن «ريهام سعيد سلمت الطفل محمد خالد لأهله في قسم أول أكتوبر محضر رقم ٥٦ أحوال».
أخبار متعلقة
فيديو.. طفل يؤدي دورين مختلفين ببرنامج ريهام سعيد: «مرة تايه.. والتانية مع أهل الجن»
ريهام سعيد ترد على منتقدي حلقة «الجن»: «الغرض مش أنكم تصدقوا»
«تويتر» عقب حلقة ريهام سعيد عن الجن والعفاريت: «مش ندمانة على الحلقة دي»
ريهام سعيد تقدم حلقة عن «الجن»: «مبخافش» (فيديو للكبار فقط + 21)
بالفيديو.. أم تترك ابنها على باب «الإنتاج الإعلامي» وتطلب تسليمه لريهام سعيد لتربيه
بالفيديو.. ريهام سعيد: «خايفة أصحى الصبح أفتح الشباك ملاقيش مصر»
وأوضحت الصفحة، في بيان، فجر السبت: «وعن وجود محمد داخل بيت البنات محمد كان ملازم ريهام والكر والفر في جميع أماكن التصوير لذللك ظهر في هذه الحلقة».
وتابعت: «وعلى فكره كان ممكن نشيل صوره محمد في التصوير وسيبناها يمكن أهله يتعرفوا عليه يا ناس حرام عليكو»، واختتمت الصفحة بيانها بكلمة لريهام سعيد قائلة: «اللي مش بيحبني ما يتفرجش بس مش لازم أطلع كذابه وممثلة».
أردفت «سعيد»: «أخر مره حارد، أخده معايه ليه؟ اسيبه فين؟، وبعدين هو احنا كنّا عارفين إلى هايحصل؟، أحنا واخدين دكتور لناس مرضي مناخدوش ليه؟ اسيبه مع مين، يوم الاثنين سيذاع فيديو دليل على صحه كلامي وحزبي الله ونعمه الوكيل».
وتفاعل رواد صفحة «صبايا الخير» مع المنشور، وقالت شاهيناز محمد: «حزبي مين ياحزبي ده أنتى كاتبه حلقه للكبار فقط واخده الولد يعمل أيه معاكي سبيه في أي مكان بس بعيد عن حوار الولد الموضوع كله تمثيل»، وبينما علّقت شيماء محمد: «أنتي عارفة قبل ما تروحي أنهم تعبانين التعب ده أزاي تودى طفل لمكان ممكن ولو واحد في المية يحصل فية حاجة تضرة، ياللى علطول هريانا نصايح عن الولاد وتربيتهم».
وأضافت إسراء: «ماهو اللي بيغيظني منك انك بتبرري، مانتي لو واثقه انك صح وصادقه مكنش همك تبرري لحد»، وقالت سوما محمد: «سيبك منهم دول ناس فاضيه بس بلاش والنبي عفاريت عشان بنخاف».
