قال رجل الأعمال نجيب ساويرس إنه لا يعنيه كلام الناس وانتقاداتهم له قائلا: «أنا مبيهمنيش كلام الناس مادام بقول الحق، وبقول ما يمليه عليّ ضميري، بدليل إني واجهت انتقادات الإخوان المسلمين لوحدي، لما رجال الأعمال الكبار سابوني، وبعضهم تأخون وخافوا على مصالحهم الشخصية، بالعكس أنا بقيت إذا متهاجمتش أحس إن فيه حاجة غلط».
أخبار متعلقة
وأضاف «ساويرس»، للإعلامي مجدي الجلاد في برنامج «لازم نفهم» على قناة «سي بي سي»، مساء السبت: «أنا هفضل أدافع عن بلدي ومش ههمد غير لما مصر تتقدم وتبقى أحسن من تركيا اللي كل شوية تطلع تعلّق على قراراتنا، وعاوز أقول للسيسي إنت مش مطالب إنك تفصل في كل صغيرة وكبيرة، اهتم بمصر وسيب الحاجات الصغيرة والإدراية للوزارة هي اللي تعملها، وعاوز أقول لمحلب كفاية شغل ميداني، عاوزين قمة مصرية، وعاوزين برلمان محترم علشان مصر تتقدم».
