قالت الفنانة مديحة يسري أنها تشعر بانزعاج شديد عندما تشاهد الأفلام التي تعرض في السينما حاليا.
أخبار متعلقة
وأوضحت «يسري» وجهة نظرها خلال استضافتها في برنامج «العاشرة مساء» على قناة «دريم 2»، مساء السبت، قائلة: «اللي بيحصل في السينما ده عيب، إيه الألفاظ اللي بيقولوها دي؟ أنا لما بشوف فيلم من الأفلام دي بحس إنه فيه سكينة اتغرزت في قلبي، فين دور الرقابة المسؤولة إنها تشيل الألفاظ دي من الأفلام؟ إزاي نعلّم ولادنا الكلام ده ؟».
وأضافت: «أنا عملت أكتر من 100 فيلم ملبستش في واحد منهم مايوه أو شورت، إزاي الممثلين يقبلوا على نفسهم يقولوا الألفاظ دي، ويلبسوا اللبس ده؟ دول واجهة لمصر، أنا لما أخدت جايزة من 33 دولة على فيلم (الأفوكاتو مديحة) قلت لهم متقولوليش مديحة قولولي مصر، علشان كنت فخورة إني بمثل اسم بلدي، لكن اللي بيحصل حاليا ده عيب».
