قال الإعلامي تامر أمين تعليقا على تصريحات حمدين صباحي، المرشح الرئاسي السابق، بعدم طلبه من الرئيس عبدالفتاح السيسي التدخل لإعادة محاكمة الرئيس الأسبق محمد حسني مبارك: «شكرا يا أستاذ حمدين صباحي على رجوعك عن موقفك، هذه شجاعة لابد أن نقدرها».
أخبار متعلقة
وأضاف «أمين» خلال برنامجه «من الآخر»، مساء الخميس، «زي ما انتقدت صباحي وقلتله إنه بيصطاد في الميه العكرة لما قال للشباب ينزل يتظاهر في الميادين احتجاجًا على حكم مبارك بالبراءة، لازم دلوقتي أشكره لأنه رجع عن قراره، وقال إنه مش عاوز حد ينزل في الميدان، وإنه مش هيتدخل في حكم القضاء، ولكن هيعمل حملة اسمها (حاكموهم) هدفها محاكمة مبارك على الأخطاء اللي ارتكبها سياسيا، هي دي فعلا القيادة السياسية الواعية اللي إحنا محتاجينها حاليا».
