أجرى الإعلامي وائل الإبراشي، مكالمة هاتفية مع الفنانة الشابة صفاء مغربي، للتعليق على ما قالته بعض المواقع الإخبارية بأنها فبركت خبر وفاتها للحصول على الشهرة متسائلا: «الناس زمان كانت تلجأ إلى شائعات الزواج والطلاق للحصول على الشهرة، فهل الموضة الجديدة هي استخدام شائعات الوفاة؟».
أخبار متعلقة
وقالت «المغربي» في برنامج «العاشرة مساء»، مساء الأربعاء، «الناس كلمت أختي الصغيرة وسألوها هي أختك ماتت؟ فخافت وعيطت فافتكروا أني مت، والمستشار الإعلامي بتاعي اللي ماسك صفحة (فيس بوك) لما سمع أختي بتعيط في التليفون كتب خبر وفاتي على الصفحة، وأنا كنت ساعتها تعبانة، ولما شفت الأخبار اللي بتقول أني مت تعبت أكتر، ومكنتش عارفة أرد على حد، وجوزي موبايله كان فاصل فمعرفش يوضح الحقيقة في وقتها».
وأضافت «المغربي»: «جوزي هيحاسب الناس اللي شهّرت بيا، واللي حطت رقم موبايلي على النت، واللي قالوا إنه أنا عملت تمثيلية علشان أخد شهرة، كله إلا التشهير بسمعتي، وهرد على كل الاتهامات دي قريب بالقضاء».
