دافع المطرب الشعبي شعبان عبدالرحيم عن القضاء المصري بأغنية، عقب توجيه سهام النقد له بعد الحكم ببراءة الرئيس الأسبق حسني مبارك، وحبيب العادلي وزير داخليته، و6 من كبار معاونيه من تهم قتل المتظاهرين والتربح وإهدار المال العام.
أخبار متعلقة
وامتحدح «عبدالرحيم»، في الأغنية التي اختص بها برنامج العاشرة مساءًا، المذاع على قناة دريم، وهي من كلمات الشاعر إسلام خليل، القضاء كما هاجم أحد أفراد العائلة الحاكمة القطرية بعد هجومه على مصر وعلى الرئيس السيسي: «أحسن قضاء هو قضائنا وده اللي غايظ أعدائنا، واللي اسمه فيصل آل جاسم ده عميل ونفسه يفرقنا، يا رب يا رحمن يا مجيد أنت الإله وإحنا اللي عبيد، وأنت الوحيد بس يا ربي عالم وعارف مين الشهيد».
ويكمل «عبدالرحيم»، في أغنيته: «كفاية غل وكفاية بقى طيش، في ناس غلابة بيلبسوا خيش، زي ما في شهداء للثورة في برضه شهداء شرطة وجيش.. ضباط وأمناء كتير وجنود فيهم اللي مات وفي المفقود، وطفل أول يوم العيد الصبح مالقاش أبوه موجود.. الأب من البكى عينه دابت، وأم عسكري أو ضابط، لا نزلوا شالوا سلاح ولا طوب ولا واحدة غلطت ولا عابت.. هنلف ليه وندور تاني ما عرفنا مين هو الجاني، يا شهداء حقكم من هيروح والدنيا كلها سمعاني».
وأضاف في الأغنية: «صحوا اللي غفلان من نومه، قضائنا عادل من يومه، لكن ما بينا فصيل مجنون وخلق عايمين على عومه.. يا ست ناشطة وأخوكي ناشط، الناس خلاص تعبت بقى لاصت، كفاية فوضى ولموا الدور، أصل الحكاية بقى كدة هاصت.. ما ترحمونا أعملوا معروف، على البلد في قلق وفي خوف، عايزين عمل عايزين إنتاج، زهقنا من الطوب والملوتوف.. على البلد مين وكلكم ولا أنتوا حد مأكلكم، دي بلد كل المصريين مش حق واحد ولا ملكه».
ويختتم «عبدالرحيم» أغنيته قائلًا: «قضائنا عادل في كلامه وعيب نناقش أحكامه عشان في رب حكم وكريم هنقف جميعًا قدامه.. دلوقتي في عندنا ريس مخلص وعادل وكويس.. اشتغلوا بقى وانتجوا زييه وبلاش نقعد بقى ونتيس».
