قال الإعلامي أحمد موسى تعليقا على الأخبار التي نشرتها بعض المواقع الإلكترونية بأنه قال لثورة 25 يناير «تعظيم سلام» بعدما تحدث الرئيس السيسي عن قانون يجرّم إهانة ثورة 25 يناير، «أنا مبخافش من حد، ولا حد هيخوفني، وأنا علطول بقول لثورة 25 يناير تعظيم سلام، اشمعنه عاوزين تاخدوا الجملة دي النهارده بالذات علشان تصوّروني خايف، لا أنا مش خايف».
وأضاف، في برنامجه، «على مسؤوليتي»، مساء الثلاثاء: «أنا بهاجم 100 أو 150 شخص نزلوا الميدان خلال ثورة 25 يناير زي 6 إبريل وإسراء عبدالفتاح والإخوان المسلمين، دول شاركوا في هدم الدولة المصرية وميتحسبوش على الثورة، لكن الثورة أنا بحترمها، والرئيس حر إنه يعمل قانون يجرّم فيه إهانة الثورة، لكن أنا بقولكوا إنه فيه إعلاميين كتير معترضين على القانون ده بس مش عاوزين يقولوا، لكن أنا معاه علشان عاوز مصلحة البلد».
