ارمى من إيدك الشيشة.. والضمنا يلا لمها.. دى ما سمهاش عيشه.. حياتك ليه بتهدها.. ف الهوا بتضيع مالك.. وف صحتك ليه بتدمر.. بلدك صدقنى محتجالك.. تبنى فيها وتعمر.. ماتسبش اليأس منك يتمكن.. وأحزانك تدمرك وتهدك.. الأمل جوه قلبك سكن.. واوعى همومك للغلط تشدك.. فادتك بإيه قعده القهاوى.. غير زادت أكتر إحباطك.. مفيش غيرك لجراحك يداوى.. مفيش غيرك هيغير حياتك.. أتعب حاول جرب.. لليأس ما تسلمش.. من الحياه بلاش تتهرب.. دى حالها ما بيدومش.. على قد ما تشقى.. ربك هيبدل حالك.. ملقيتش النهارده بكره تلقى.. وتتحقق كل آمالك.. انسى اللى فات ويلا قوم.. اشتغل اتعب واعرق.. إياك تسلم للهموم.. أو جوه أحزانك تغرق.. ليه ف انتظار الوظيفه.. تسيب عمرك يجرى منك.. أرضى بأى شغلانة شريفة.. وربك مش هيتخلى عنك.. حتى لوشغلك عكس شهادتك.. تعالى على نفسك واتحمل.. وبعزيمتك وبإرادتك.. مشوارك ف الحياة هتكمل.
مصطفى سيد عبدالسلام- الدلاتون- شبين الكوم- المنوفية
