عنتيل الغربية: علامة الصلاة ع القورة، والدقن ماليه الوش.. مش واخد من السنة غير الصورة، وأفعاله كلها كدب وغش.. يزنى ويفضح المستورة، ويبيع ضميره بقرش.. بيتكلم باسم الإسلام، ويحلل لنفسه كل حرام.. وف رمضان لو صام.. للعصر ما يستحملش!.. يصلى سنته وفرضه.. ويخون وطنه وأرضه.. وعلى شرفه وعرضه، البعيد ما بيغرش.. الهبل ع الشيطنة سايق.. بسهولة يزور الحقايق.. ومهما ف الخلق ضايق.. ما بيعتذرش.. خصوصيات غيره ما بيحترمش.. يقتل القتيل وف جنازته يمشى، ولا يتهزله رمش.. لا بيوفى بوعود، ويخوض ف العروض، حتى المولود، من لسانه ما سلمش!!.
مصطفى سيد عبدالسلام – الدلاتون - شبين الكوم- المنوفية
