فيديو.. شعبان عبدالرحيم يهاجم «داعش» وقطر بأغنية جديدة: «مولد الطيابة انتهى»

أطلق الفنان الشعبي شعبان عبدالرحيم أغنية جديدة، ردًا على تهديدات تنظيم «داعش» بإهدار دمه، و«مصالحة» مصر مع قطر، متهمًا «الدوحة» بخدمة «الصهاينة».

وقال شعبان خلال الأغنية، التي غناها وكتبها له الشاعر إسلام خليل، إنه «مش هصالح حد مولد الطيابة انتهى واتلم خلاص واتفض».

وأضاف مغنيًا، في الأغنية التي عرضها الإعلامي وائل الإبراشي ببرنامج «العاشرة مساءً» على قناة «دريم»: «بالفن بدأنا كفاحنا لا بحركة ولا بأحزاب والمغنى هيا سلاحنا بنحارب الإرهاب».

وتقول كلمات الأغنية:

عايزين يقتلوني عايزين يخوفوفني عايزين يخطفوني أنا وإسلام خليل عشان بنحب مصر وبنكره إسرائيل.. خلاص ماعدش داعي لكلامكم الكداب بقى عندنا ريس واعي كله بيعمله حساب، اللي حرقوا المباني وداسوا ع العلم، بيخافوا م الأغاني والورقة والقلم عشان بندوس ع الوتر وعشان بنقول ف الوش وفضحنا إرهاب قطر وخلناها تكش

يتصالحوا مايتصالحوش أنا مش هصالح حد مولد الطيابة انتهى واتلم خلاص واتفض، نتصالح مع ناس خاينة دي شلة مأجورين وبيخدموا الصهاينة أعداء المسلمين، نازلين تحريض على مصر بقالهم كام سنة بسهولة كدة نصالحهم بجد يادي الهنا، عاوزينا إزاى نصالحهم بعد ما صالحوا الإرهاب، طب والناس اللى مات والدم والخراب، دي ناس خاينة وعملية بتبيعنا بالفلوس، ماتبصوا ع الجزيرة والغل في النفوس

ياللي بتجاهدوا فينا على الشاشات والفيس ده القدس مش في سينا ولا حتى في السويس، ياللي عاملين مشايخ كتروا اللي مش فاهمين كلامكم يبقى بايخ توهتوا المسلمين، كفاية تحريض وإثارة اعقلوا خليكم حلوين دي مصر تاريخ وحضارة وخيرها ع التخين

يا أبوعقل خفيف وانتول، وطنك ليه عاوز تأذيه، يا اللي أنت خايف من الغنا وبيعملك إحباط أنا ممكن أكلم قطر تعملك كمادات، بالفن بدأنا كفاحنا لا بحركة ولا بأحزاب والمغنى هيا سلاحنا بنحارب الإرهاب