أحاسب مين على الدم اللى سال.. ومين يجاوب على السؤال.. ضيعتوا فلذة أكبادنا بالرعونة والإهمال.. عايزين قانون رادع لحوادث الطرق مش بالكلام وتعويض بأموال.. مين السبب فى الإهمال السائق ولّا المناخ ولّا تغير الأحوال.. مين السبب فى الإهمال مأساة والكل بيبكى من العم للخال.. كل يوم حوادث ونفس الموال.. وتصاريح لمسؤول والجانى مجهول.. أو تلاقى جانى دموعه تسيل زى التماسيح وكله تمثيل فى تمثيل.. عايزين نفوق ونصحح والحال يبقى عال.. عشان مصر فى الحوادث بقت مضرب الأمثال.. ويارب تتغير الأحوال.. لازم الضرب بإيد من حديد والردع لقائدى السيارات ويتعملهم اختبار وتحليل.. لمعرفة من بياخد مخدرات وترامادول.. ولجل الحفاظ على أرواح ولادنا هم الأمل وهم شباب المستقبل القادر على العمل.. مش عايزين كلام يتقال، والسائق المخالف تنسحب رخصته فى الحال علشان نكون مطمئنين على ولادنا وعندنا راحة بال.. اللى يزيد من سرعته ولا يحترمش القانون ولا عنده للأوامر امتثال يدخل السجن أو يدفع غرامة من المال.. وياريت نهتم بالطرق ونمهدها وبالدوريات الراكبة.. يارب يتسمع الكلام واللى ماعندوش القدرة على التنفيذ من المسؤولين يستقيل.. أخيرا ياريت ألاقى حد يجاوب على السؤال.
وائل عاطف مسلم
خبير اجتماعى- محكمة شبين الكوم
