اصحى يا مصـــرى خليك واعى.. إوعى تــــنام خلــيــك صـاحى..إيـــدى ف إيــدك نبنى بـلدنــا، وبـلاش نـــوم نسهر صـباحـى.. مــــصر بلـــدنا بتــــنادى علــيك، وبتقول لك الخونة عايزة ضياعى.. بأموال م الخارج الخونة بيحاربوك، والحرب عليهم أصبح لها ميِتْ داعى.. وشفت إزاى بالغدر قتلوا الشـهـدا، وفجروا بديناميت سيارة دفع رباعى.. اللــعب خــلاص بقى ع المـكشوف، وعرفنا مين للإرهـاب حامى وراعى.. الإعلام رسالته مهمــة بيوجها ف صحافة وتليفزيون أوبـث إذاعـــــى.. إنت يا مصرى لازم تفهـم إن دورك دايماً يبــقى للخــير سـاعــى.. خليك دايما فى حكومتـك واثــق، وساعدها بالجهد فى كل مجــال إبداعى.. إشاعة الخونة هدفها كسر إرادة لا تسمعها خليك دايما صـــــاحى وواعى.. وإنت يا طالب العــلم فى الكليــة إبعد عن خاين متربى ف حضن أفاعــى..مصرنا مــليانة بالــخير دايمــــا، وعايزة الجهد ف نشاط زراعى وصناعى.. خلاص م الدرس إحــــنا اتعــلمنا حندعم جيشنا والشرطة دعــــم جمــاعى.. وحندعم ريسنا فى كل الخطـوات، ونقول له يبارك لك ربك فى كل مســـاعى.. مصر المحروسة دايما بأمر الله، ح تنهض رغم أنف مين للإرهاب راعى.
أخبار متعلقة
محمود السعدنى
