انتقدت ريهام سعيد، مقدمة برنامج «صبايا الخير» على قناة النهار، تصريحات الدكتور محمد البرادعي، نائب رئيس الجمهورية المستقيل، التي قال فيها إن مصر تغرق، في معرض تعليقه على ما تشهده البلاد حاليًا.
وقالت ريهام سعيد، في برنامجها مساء الإثنين: «ماليش في السياسة، بس بالبلدي كدة إلهي يا شيخ اللي يقول على مصر بتغرق، يغرق هوة واللي معاه، أيام ما كنت هنا عملت إيه عشان مصر ماتغرقش، حاجة واحدة قولي أنت عملتها».
وأضافت: «آه الاحتياطي خلص وعندنا مشاكل، أنت مين بصفتك إيه تقول كدة، خليك ماطرح ما أنت قاعد، عشت في مصر قد إيه عشان تتكلم عنها».
وتابعت: «خليك في حالك، بكلمك ببساطة خليك في حالك، بنغرق إحنا في بعض كدة، خليك أنت مع الناس اللي ما بتغرقش».
وقالت: «ممكن بالورقة والقلم ممكن تبان الدنيا مش ماشية صح، الناس عاوزة بس حد يقولها اعملوا وماتعملوش وكدة صح وكدة غلط وكدة هتتعاقب وماتتعاقبش لو عملت كذا».
