توفيق عكاشة يكشف سر «شائعة» انتماء السيسي للإخوان (فيديو)

قال توفيق عكاشة، مالك قناة الفراعين، إن الرئيس عبدالفتاح السيسي «صوفي»، بينما وصف جماعة الإخوان المسلمين بـ«أغبياء حمير مابيفهموش»، في معرض كشفه سر سبب إطلاقه «شائعة» انتماء السيسي للجماعة أثناء توليه وزارة الدفاع، إبان تولي الرئيس المعزول، محمد مرسي، حكم مصر.

وخاطب عكاشة الإخوان، في لقاء تليفزيوني على قناة «صدى البلد» مع أحمد موسى، مقدم برنامج «على مسؤوليتي»: «يا أغبياء يا اللي عمركم ما تفهموا هل هيبقى مدير المخابرات الحربية إخوان؟».

وأضاف: «أنا لا أنكر ولن أنكر إنه كان بيني وبين الرئيس عبدالفتاح السيسي عندما كان مديرًا للمخابرات علاقة شخصية»، مشيرًا إلى أن السيسي تولى إدارة جهاز أمن الدولة «المنحل» والمخابرات الحربية و«كان شغال بروحين»، وفقًا لتعبيره.

وتحدث عكاشة عن السيسي، بقوله: «أنا بصراحة حبيته، وأول سبب لحبه إن أنا اكتشفت إنه رقم واحد اللي ناس ماتعرفوش إن هو صوفي، صوفي صوفي يعني».

وسرد عكاشة أسباب حبه، قائلًا: «رقم اتنين إن هو فيه علاقة بينه وبين ربنا، بدليل ودي مش صفات رجل مخابرات، مش كل رجال المخابرات كده، لما أنت تيجي تسأله سؤال أو تطلب معلومة مابيردش مباشرة، بيتأنى فيها أوي، وهذا التأني أنا أتصور أنه أمر من الله أن يفكر ويفكر ويفكر قبل أن يرد، وده معناه إنه عاقل وعنده عقل شديد جدًا، ومن هنا حصل بيني وبينه عملية الحب».

وتابع: «أثق فيه ثقة عمياء.. ومرة إخوان الشياطين كانوا قاعدين عنده فالمهم صلاة الظهر جت فسابهم وقام يصلي الظهر وهما قاعدين متلقحين.. سعد الكتاتني وصبحي صالح ومحمد مرسي، ومش فاكر مين كمان، ومرة بعدها جه العصر وسابهم قام يصلي فقام بيقولوا إيه الأخ ممكن يجي منه، وبيتكلموا إنهم يستقطبوه، وإن فيه أمل وبيقولوا لبعض باينه وهو في ثانوي كان معانا، ثانوي إيه يا ولاد اللذينة؟ ده كان في الثانوية الجوية، بيكذبوا على نفسهم ويصدقوا».

وكشف أن السيسي اتصل به بعدما أطلق «شائعة» انتمائه لجماعة الإخوان، موضحًا: «كلمني فعاتنبي، فقلت له سيبني بعد إذن حضرتك».