يا وطن عايش ف غيبوبة، واسمها إرهاب.. ابنى وابويا يا عروبة داسوهم بشر أغراب.. قوللى يا غرب يا حامى حقوق الناس: حقوقى ليه معاك ضايعة؟.. وليه الهمة واخداكم، وتحموا ناس مالها أساس؟..
ولما الخوف يجيكم تقولوا يلا نحارب الإرهاب!.. نسيتوا داعش وأعوانه صناعة مين؟.. تصنع سلاح وتدينى وأقول آمين.. وإيد تضربنى تواسينى.. ضحكة ترن فى ودانى.. وصرخة أمى وصلانى.. شهيدى قام من تانى.. هيرفع راية الإسلام!.. روحه الطاهرة هتصلى.. على تراب الأوطان.. وفوقى يلا يا عروبة.. من غرفة الإنعاش.. عراق وسوريا منهوبة.. بحجة قال إيه إرهاب!..
ويمنى وليبى ولبنانى.. قدسى كمان قهرانى.. يا أمى بلاش تبكينى.. على شهيد فى عز صباه.. صباه صابنى بشيخوخة.. من خيبة الأخوات.. يلا فكروا واتحدوا زى ما قال الكتاب.. دى النصرة جاية فى العزة، واعتصموا بحبل الله.. انسوا الخلاف اللى بينكم، وتدبروا فى آيات الله.
أميمة عبدالرؤوف
عضو بجماعة النيل الأدبية
