الدم ســـــايل من ضلوع الورد يجرى فى كفِّك يا بلد أنهــــــار.. والصرخة طالعة مؤلمة بالفرض والدمع جارى يكتب الأخبار.. والشمس مالها ماشية غضبانة تحكى بحرقة للبشر أســـــرار.. ياامّايا ليه النظرة حيرانة، وانت اللى عمرِك ملحمة وإبهـــار.. ضمّى ولادك فى دفا صدرك، ويحسّــوا نبضك يرجعوا للدار.. دا اللى بيهتف شمسهم شمسك، والحِلم واحد كلهم أحــــــرار.. المصرى قمحى لونه من لونك، والأرض تشهد إنّهم ثــــوّار.. لو شر صابك كلنا دونك، أطيافنا تجرى تدفع الأشـــــــــرار.
الكُره فينا أزمة وتعدّى، وهيجرى نيلك يزرع الأخيـــــــــار.. تيجى المحبّة تجرى وتمدّى لاجل الحضارة تبقى لينا شـــعار.. من عهد مينا قلت يا جدّى المصرى دايما يهزم الإعصـــــــار.. دعوة نبينا المصطفى الهادى فى رباط لأنّك منقلة وإصـــرار.. الله أكبر إنتِ يابلادى، والحارس الله ربنـــــــا الجبــــــار.
دكتور- صبرى إسماعيل
