بالفيديو.. محمود سعد: «مش هتكلم علشان المشاكل»

علق الإعلامي محمود سعد على حادث تفحم تلاميذ البحيرة، الذي راح ضحيته 18 أغلبهم من التلاميذ، وإصابة 18 آخرين، قائلاً: «كل مسؤول تتحدث معه يقولك إحنا تابعنا الموضوع، وعملنا اللي علينا، هنعترض على القضاء والقدر يعني»، مضيفا: «هو قضاء ربنا صحيح بس لازم نغير من طريقة تعاملنا مع الإهمال».

وأضاف «سعد»، في برنامجه «آخر النهار» عبر فضائية «النهار»، مساء الأربعاء: «ما ننكرش إن البلد مليانة واسطة، ومليانة اللي بالي بالك، وأنا مش هتكلم علشان ميقولوش أنا بعمل مشاكل».

وتابع: «إحنا بنتكلم في عهد جديد وهنغير ونسوي، ده يقتضي مننا التعامل مع الأشياء المرة بطريقة مختلفة، ولو اتعاملنا بنفس الطريقة كإنك يا أبوزيد ما غزيت»، مضيفا: «لكي الله يا مصر، أتوبيس يتفحم ومفيش ولا سيارة إسعاف ولا حد ينقذ التلاميذ اللي جواه».

وأوضح: «بيقولك كفاية كلام في السياسة عشان الناس زهقت، زهقت من إيه، ومشاكلهم زي ما هي».