قال رجل الأعمال، نجيب ساويرس، إن الثورة موجودة في داخل كل مصري، محذرًا من «كتم الحريات» ووقف مسار الديمقراطية في البلاد، داعيًا في الوقت ذاته إلى وقف المظاهرات والإضرابات 4 سنوات.
أخبار متعلقة
وأضاف، في لقائه الذي بكى خلاله لدى ظهوره مع الإعلامي معتز الدمرداش ببرنامج «مصر الجديدة» على قناة «الحياة 2»، مساء الإثنين: «الثورة جوة كل واحد لو جه ديكتاتور تاني وأفسد تاني ولو كتم حرياتنا تاني ولم حاشية فاسدة حواليه الناس هتنزل تاني، إن مكناش نلحق البلد ونقضي على الققر والظلم ونؤسس لدولة القانون واحترام الدستور يبقى خلاص انتهينا».
وتابع: «خلصنا الاحتياطي بتعنا البلد في حالة اقتصادية صعبة جدا الدعم مش عارفين ندفعه وعيشين على معونات إخواننا في الخليج، والسياحة توقفت.. لابد من تأجيل الاختلافات 3 أربع سنين معندناش رفاهية وجود معارضة شرسة ومظاهرات وتخريب لأن الناس جابت آخرها».
وقال إنه لابد من دعم الاقتصاد وتوفير الأمن ودعم مسار الديمقراطية: «إذا لعبت في الديمقراطية وأمل الناس فيها أنت كدة بتلعب في الجزء اللي قامت عشانه ثورة 25 يناير».
وأشار إلى أنه لا يوافق على «إجراءات قمعية ضد الإخوان»، موضحًا «أنا خرجت عليى الناس عشان هما تعاملوا باستكبار وكسرونا وجعلوا نفسهم فوق القانون والدستور، وخطفوا ناس جوة القصر (الرئاسي) وعذبوهم، أقوم أنا أعمل زيهم دلوقت».
وقال إن الديمقراطية «مش هيا اللي عملت الإرهاب، ما ينفعش ناس لما يحصل تفجيرات تمشي بنغمة مش عاوزين حرية وديمقراطية، الديمقراطية مش هيا اللى عملت الإرهاب، تكميم الأفواه بيضم الوطنيين لهذا المعسكر العشوائي الفوضوي».
