بالفيديو.. سعد سمير ساخرا من خلافاته مع «غالي»: «أنا مأجر ناس عشان نخطف ابنه»

سخر سعد الدين سمير، مدافع النادي الأهلي، من الشائعات التي تم تداولها مؤخراً، بشأن الخلافات الموجودة بينه وبين حسام غالي، قائد الفريق.

وقال «سمير» في تصريحات لقناة «سي بي سي 2»، الإثنين: «حسام غالي كان جايب ناس من يومين ومستنينا بره النادي عشان يعورنا، وفي الحقيقة في مشاكل كبيرة جداً».

وتابع ساخراً: «أنا جبت ناس من البلد عندي عشان نخطف ابنه سليم».

وأردف: «كل الشائعات دي مجرد أفلام، ناقصلها مخرج علشان تكمل، الكابتن حسام غالي قيمة كبيرة جداً لنا وللنادي الأهلي ومنتخب مصر».

وشدد: «حسام غالي مشكلته إنه بيحب النادي الأهلي جداً، وعاوز كل حاجة تمشي صح».

وأتم: «غالي كذا مرة كان يوجهني ويزعقلي في التدريبات، وبعد كده يهزر ويضحك معايا عادي، ده طبيعي بين اللاعبين في النادي، كل الشائعات دي غلط والعلاقة بينا كلها إخوة وحب».