روت فوزية قرني، المصابة في انفجار عبوة ناسفة أمام جامعة القاهرة، تفاصيل إصابتها في الانفجار، الذي أسفر عن سقوط عشرة مصابين.
أخبار متعلقة
وقالت «قرني»، والتي ترقد في مستشفى قصر العيني، لتلقي العلاج، في تصريحات لقناة «أون تي في»، مساء الأربعاء: «أنا عاملة بكلية الهندسة، وكنت خارجة من الكلية ولما عديت من جنب الأوضة بتاعة الأمن، لقيت حاجة بتضرب في رجلي ووقعت على الأرض»، مضيفة: «قعدت على الرصيف، وبصوّت لغاية ما شالوني على طول، أنا كنت ماشية عادي ورايحة على المحطة ومعرفش أنا جيت في الانفجار إزاي، وكنت لسه بعدي الناحية التانية لقيت حاجة بتضرب في رجلي، والدم بينزل مني».
وتابعت: «الناس عملوا معايا واجبات كتير وجابولي كرسي لغاية ما نقلوني، ودي أول مرة تحصل معايا وأنا بقالي 18 سنة في الكلية»، مضيفة: «أنا بصارحة مش عارفة حصل إيه في رجلي، وكانت بتجيب دم كتير، وجيت هنا اتعالجت».
