انتقد الإعلامي عمرو أديب، الحملة الساخرة التي نالت من شيرين غالب، مضيفة مصر للطيران، على مواقع التواصل الاجتماعي، قائلًا: «قال ملقوش العشاء يتعشوه جابوا عبده يهزقوه، الست دي أمي وعلى رأسي من فوق».
أخبار متعلقة
وأضاف «أديب»، خلال برنامجه «القاهرة اليوم»، على قناة «اليوم»، مساء الإثنين: «أنت عايز إيه من المضيفة.. ناوي تتجوزها؟، ولو عايز مضيفة شركة الطيران تكون مُزة، طب ما تدفع للمُزز، أدفع للشركة اللي عندها خسائر 11 مليار جنيه علشان تقدر تجيب ناس تانية وتغير، والطريقة اللي بتعاملوا بيها المضيفات مهينة، المصريين رذلين كمان والناس دي بتستحملنا».
واستكمل: «تلاقي عيل قاعد بيلعب في صباع رجله الصغير وبيستخف دمه، كل دا هيخلص لما العيال دي تشتغل ما هو قاعد في البيت ننوس أمه ما بيشتغلش ومش وراه حاجة».
وتابع: «الشركة الوطنية بتاعتنا كويسة بدليل إننا كلنا بنستخدمها، شركة خداماتها وأسعارها جيدة، ووضعها أفضل من 4 سنين فاتوا، أكثر أمنًا ونظامًا».
