الدكتور فاروق الباز، عالم الفضاء المصري، ومدير مركز الاستشعار عن بعد وعلوم الفضاء بجامعة بوسطن الأمريكية، يتحدث خلال حوار مع المصري اليوم، القاهرة، 28 أبريل 2007.
تصوير :
حافظ دياب
قال الدكتور فاروق الباز العالم المصري، عضو هيئة مستشاري الرئاسة، إنه لم يتوقع أن يخرج الناس ضد الرئيس المعزول، محمد مرسي، بعد عام واحد من حكمه، مؤكدًا أنه كان ينتظر نهاية حكمه «وبعدين نرميه في الزبالة»، حسب تعبيره.
أخبار متعلقة
وأضاف: «من قبل ما ياخدوا الحكم، كنت عارف أن هم اللي هينزلوا في الانتخابات، وعارف إن الغالبية العظمى من الشباب اللي قاموا بالثورة مش عايزين، لا عايزين من الإخوان المسلمين ولا عايزين من العهد البائد، اللي كانوا على اتصال دائم بي كانوا بيقولولي مش هيصوتوا، كنت بقول له عيب ماتصوتش دي مصيبة إن أنت ماتدليش بصوتك، أنتم مائة المائة مش عايزين العهد البائد يرجع خلاص، أنت ما أنت عندك هنا مجموعة».
وتابع: «أنا بنفسي كتبت مقالة في المصري اليوم، قلتلهم أنتم خايفين من الإخوان المسلمين ليه؟ أنت إدي صوتك، حتى مش عايز من ده إدي لده، بس خلي صوتك يعمل، وأنتم شايفين، واحنا اللي هنجيبهم دول، ما احنا هنصوتلهم وننزلهم.. إذا عملوا كويس نديهم تعظيم سلام، إذا لبخوا نرميهم في الزبالة، مش شغلانة يعني».
ولفت إلا أنه لم يتوقع أن يكون الخروج ضد مرسي بعد عام واحد من توليه السلطة قائلًا: «لا أنا كنت منتظر 4 سنين، كنت منتظر يقعد الفترة بتاعته كلها وبعدين نرميه في الزبالة».
