قال الرئيس عبدالفتاح السيسي، «أتحدث إليكم بمناسبة عظيمة جدا، اتكلمت عليها السنة اللي فاتت، قلت الدروس اللي إحنا المصريين شفنا قد إيه لما الجيش كان في محنة كبيرة سنة 1967، ورفض الهزيمة ووقف جنبه لغاية ما حقق النصر، والشعب المصري واقف جنب جيشه».
وتابع السيسي في كلمته خلال احتفالات انتصار اكتوبر بالكلية الحربية، الأربعاء: «ده الدرس اللي اتكلمت عليه في المناسبة دي، النهاردة عايز أتكلم على شعب مصر مش على الجيش المصري، الشعب المصري في كل مناسبة في كل أزمة وكل مشكلة بيؤكد إنه شعب مختلف متفرد، ومش بقول كده علشان أنا مصري، لا ده الحقيقة اللي لازم ناخد بالنا منها، إحنا مختلفين عن غيرنا».
وأكمل: «الشعب المصري مختلف، واقع المنطقة بيؤكد إننا مختلفين، فيه دول كتير انزلقت لمشكلة ومحنة كبيرة، لكن الشعب المصري شاف واتحرك بسرعة مش الجيش اللي اتحرك، لأنه حس بخطر حقيقي على الدولة المصرية».
وواصل: «كان فيه مسؤولين غير مدركين وجود خطر حقيقي على الدولة دي، الرجل والسيدة البسيطة أدركوا بخطر القادم لمصر، فكان 30 يونيو، مش معناه إن 30 يونيو بس، ومفيش 25 يناير، لا أنا عايز أؤكد حركة شعب تحرك في 25 يناير و30 يونيو علشان يغير وعايز واقع جديد».
أخبار متعلقة
