سادت حالة عارمة من الفرحة داخل روابط الألتراس، وذلك عقب قرار محكمة القاهرة للأمور المستعجلة بعدم الاختصاص في نظر دعوى حل روابط الألتراس المقامة من مرتضى منصور، رئيس نادي الزمالك، وإحالتها للقضاء الإداري.
أخبار متعلقة
وأبدت الروابط سعادتها واعتبرت هذا القرار هو الخطوة الأولى نحو الانتصار في معركتها مع رئيس نادي الزمالك، الذي يحاربهم منذ توليه رئاسة النادي، ويتسبب في حملة اعتقالات واسعة لأعضاء رابطة ألتراس «وايت نايتس» المنتمية لنادي الزمالك.
ومن جانبه، أكد أحد قيادات رابطة ألتراس «وايت نايتس»، رفض ذكر اسمه، أن قرار المحكمة هو انتصار لروابط الألتراس التي تعرضت لظلم شديد في الفترة الماضية، وتم تلفيق العديد من القضايا للقضاء عليهم.
وقال: «مفيش حاجة في الدنيا اسمها حل رابطة الألتراس، إحنا مش جمعية مشهرة في وزارة التضامن»، وتساءل «ليه الحرب اللى على الجماهير دي؟، المفروض إن احنا وقود وسر نجاح كرة القدم في مصر».
وأضاف: «أيوه احنا فرحانين بس الفرحة الكبيرة لما اخواتنا المعتقلين يطلعوا براءة، ولازم الفترة اللى جاية الجمهور يرجع المدرج علشان الكرة تبقى أحسن وده حتى قدام العالم بيظهر استقرار البلد».
وطالب كابو الرابطة بوقف حملة الاعتقالات وقال: «بنطالب بوقف موجة الاعتقالات اللى على الفاضي والمليان، مرتضى منصور لما بيعمل أي بلاغ بيقبضوا على الناس من غير تحريات، اكتر من مرة اعضاء الرابطة ياخدوا إخلاء سبيل والنيابة تستانف ويتجدد حبسهم بدون إدانة».
وتابع: «ليه الحرب دي كلها على شباب كل متعته في الحياة إنه يشجع فريقه، وليه وصفنا بالإرهابيين، وأحب أوضح إن قصة اغتيال مرتضى تمثيلية، حتى الكلام اللي قاله كدب ومحدش بيقدر يراجعه فيه، قال إنه اتضرب عليه 14 طلقة طب إزاى محدش مات لو كلامه حقيقي، ارحموا الجماهير وكل مطالبنا اننا نرجع المدرج ونشجع فريقنا اللي أصلا احنا عايشين علشانه».
